Жиноят ишлари бўйича Урганч шаҳар суди судьяси А. Қаҳҳаровнинг раислигида ўтказилган очиқ суд мажлисида, Самарқанд вилоятининг Пастдарғом туманида туғилган В. Н. га оид жиноят иши кўриб чиқилди. Бу ҳақда Жиноят ишлари бўйича Хоразм вилоят суди «Дарё»га хабар берди.
Хусусан, В. Н. 2018 йил 8 сентябрь куни Москва вақти билан соат 19:59 да Россиянинг Волгоград вилояти марказий темир йўл бекатидан 323-сонли «Волгоград—Урганч—Тошкент» халқаро йўловчи поездининг 11-вагонида ўзининг хизмат хонасида ўз юртларига йўл чиптаси билан қонуний тартибда келаётган фуқароларга хизмат вазифасига кирмаса-да, давлатлар чегарасидан эсон-омон олиб ўтишини, йўл давомида юзага келиши мумкин бўлган турли хил кўнгилсиз ҳодисалардан сақлашини, Қозоғистон давлат чегараси ходимларига пул бериб вагондаги йўловчиларнинг юкларини текширтирмаслигини айтиб, йўловчилардан 3 100 Россия рубли (48 доллар) ва 3 000 қозоқ тангасини (тахминан 8 доллар) фирибгарлик йўли билан қўлга киритган.
Суд ҳукми билан В. Н. га нисбатан Ўзбекистон ЖКнинг 168-моддаси 3-қисми «б» банди (фирибгарлик) билан қилмишига яраша қонуний жазо тайинланди.
Изоҳ (0)