ЕХҲТнинг ОАВ эркинлиги масалалари бўйича вакили ташкилотга аъзо 57 мамлакатдаги барча ўзгаришларни кузатиб боради, дея хабар беради «Repost».
ЕХҲТнинг ОАВ эркинлиги бўйича вакили Аарлем Дезир Ўзбекистондаги оммавий ахборот воситаларини блокировка қилинишидан ташвишда эканлигини билдириб, маҳаллий ҳукуматни уларни блокировка қилишни тўхтатишга чақирган. Унинг баёноти ЕХҲТ сайтида эълон қилинган.
«Мен ҳукуматга мамлакатдаги оммавий ахборот воситаларига тўсқинликсиз киришни таъминлаш учун бир қатор ислоҳотлар ўтказишни сўраб мактуб ёздим. Давлат органлари томонидан ҳар қандай тақиқлаш чоралари фақат халқаро стандартларга мувофиқ оқланиши мумкинлигини, фақат истисно ҳолларда қўлланиладиган ва қонуний мақсадга мутаносиб равишда мос келиши зарурлигини таъкидлаб ўтмоқчиман», — деди Аарлам.
ЕХҲТ вакили Ўзбекистондан кириш имконсиз бўлган сайтларга мисол тариқасида Фергана, Озодлик, Eurasianet.org, AsiaTerra, Uzmetronom ва бошқаларни кўрсатган.
2018 йилда Вазирлар Маҳкамаси Ўзбекистон қонунчилиги томонидан тақиқланган контентларни ўз ичига олган оммавий ахборот воситаларини блокировка қилиш тўғрисидаги қарорни қабул қилган. Бироқ, тақиқланган ресурслар рўйхати ҳам, ушбу оммавий ахборот воситаларни блокировка қилишнинг аниқ мезонлари ҳам маълум қилинмаган.
Изоҳ (0)