Профессионал бокснинг иккинчи ярим енгил (-55,34 кг) вазн тоифасида рингга чиқаётган ўзбекистонлик Муроджон Аҳмадалиев (5 та ғалаба, 4 та нокаут) 19 апрель куни ўзининг навбатдаги жангини ўтказади. Бу ҳақда GoSport хабар бермоқда.
Келишувга кўра, 19 апрель куни Аҳмадалиев биринчи ярим енгил (-53,42 кг) вазн тоифасида NABF йўналиши чемпиони, энг нуфузли йўналиш WBC жаҳон чемпионлиги учун жанг ўтказган мексикалик Карлос Карлсонга (23 та ғалаба, 14 та нокаут, 5 та мағлубият) қарши рингга чиқади.
Маълумот учун, Карлсон 2017 йилда WBC чемпионлик камари учун жангда япониялик Шинсуке Яманакага имкониятни бой бериб қўйганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)