6 апрель, шанба куни футбол бўйича Испания чемпионатининг 31-тури доирасида куннинг навбатдаги 2 та учрашуви бўлиб ўтди.
Турнинг марказий ўйинида мусобақа жадвалида яққол пешқадамлик қилаётган Лео Месси етакчилигидаги Каталониянинг «Барселона» клуби Диего Симеоне бошлиқ «Аткетико Мадрид»га қарши майдонга тушди.
Учрашувнинг 85-дақиқасида «кўк-анор ранглилар» ҳужумчиси Луис Суарес Жорди Алба узатган тўпни Ян Облак қўриқлаётган дарвозага жойлаб қўйган бўлса, орадан бир дақиқа ўтиб аргентиналик ҳужумчи Лео Месси ҳисобни 2:0 кўринишига олиб келди. Шу тариқа каталонияликлар Мадрид жамоаси дарвозасига жавобсиз 2 та тўп киритиб, ғалаба қозонди (2:0). Эслатиб ўтамиз, каталонияликлар 73 очко жамғарган ҳолда мусобақа жадвалида пешқадамлик қилмоқда.
Таъкидлаш жоиз, баҳснинг 28-дақиқасида «Матрасчилар» ҳужумчиси Диего Коста ҳакам томонидан қизил карточка билан жазоланди ва майдонни муддатидан аввал тарк этди.
Ла Лига
31-тур баҳслари
«Райо Вальекано»—«Валенсия» 2:0
Голлар: 1:0 — 32 де Томас, 2:0 — 90 Марио Суарес«Барселона»—«Атлетико Мадрид» 2:0
Гол: 1:0 — 85 Суарес, 2:0 — 86 Месси«Барселона»: тер Стеген, Пике, Серджи Роберто (Нельсон Семеду, 84), Лангле, Алба, Артур (Малком, 63), Бускетс, Ракитич, Коутино (Аленя, 80), Месси, Суарес.
«Атлетико» Облак, Хименес, Годин, Филипе Луис (Мората, 58), Ариас (Корреа, 35), Саул, Коке, Парти, Родри Эрнандес (Хуанфран, 88), Диего Коста, Гризманн.
Огоҳлантиришлар: Парти (27), Ҳименес (28), Годин (29), Саул (71), Пике (74), Лангле (78), Суарес (86).
Четлатиш: Диего Коста (28).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)