5 апрель, жума куни футбол бўйича Англия премьер лигасининг 33-тури доирасида Юрген Клопп қўл остидаги «Ливерпуль» жамоаси меҳмонда «Саутҳэмптон» жамоасини синовдан ўтказди.
Беллашувнинг 9-дақиқасида мезбон жамоа аъзоси Шейн Лонг киритган голга «мерсисайдликлар» Наби Кейта (36), Муҳаммад Салоҳ (80) ҳамда Жордан Ҳендерсон (86) киритган голлар билан жавоб қайтарди (3:1). Шу тариқа «Ливерпуль» сафарда «Саутҳэмптон»ни мағлубиятга учратди ва 3 очко тўплаб, мусобақа жадвалида пешқадамга айланиб олди.
Айни дамда Юрген Клопп шогирдлари 82 очко тўплаган ҳолда мусобақа жадвалида биринчи ўринга кўтарилиб олди. Ундан кейинги поғонада бораётган «Манчестер Сити»да эса 80 очко мавжуд.
АПЛ
33-тур баҳси
5 апрель, жума
«Саутҳэмптон»—«Ливерпуль» 1:3
Голлар: 1:0 — 9 Лонг, 1:1 — 36 Кейта, 1:2 — 80 Салоҳ, 1:3 — 86 Ҳендерсон«Саутҳэмптон»: Ганн, Валери, Вестергор (Остин, 83), Ёсида, Беднарек, Бертран, Уорд-Проуз, Ҳойберг, Ромеу (Армстронг, 83), Лонг (Симс, 62), Редмонд
«Ливерпуль»: Беккер, Александр-Арнольд (Ҳендерсон, 59), Матип, Ван Дейк, Робертсон, Вейналдум (Милнер, 59), Фабиньо, Кейта (Ловрен, 88), Салоҳ, Фирмино, Мане
Огоҳлантиришлар: Беднарек (48), Бертран (75), Салоҳ (81), Робертсон (89), Ҳендерсон (90), Мане (90)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)