Интернетда Украинадаги президент сайловларидан илк экзит-поллар пайдо бўлди: актёр Зеленский биринчи ўринда бормоқда

Интернетда Украинадаги президент сайловларидаги овозлар бўйича илк тадқиқот натижалари шифрланган кўринишда пайдо бўлди, деб ёзади «Газета.ru».

«Ukraina.ru» хабарига кўра, маҳаллий журналист Игорь Гужва ижтимоий тармоққа сайловдаги экзит-пол натижаларини эзоп тилидан фойдаланиб жойлаган.

Унинг маълумотлари бўйича, биринчи ўринда ҳозирча шоумен Владимир Зеленский бормоқда, унга украиналикларнинг 27—29 фоизи овоз берган. Иккинчи ўринда — Пётр Порошенко (16—17%), «Ҳаёт учун мухолифат платформаси» етакчиси Юрий Бойко — учинчи ўринда (14—15,5 фоиз). Тўртинчи ва бешинчи ўринларда — «Баткившина» етакчиси Юлия Тимошенко (14—14,5 фоиз) ва Анатолий Гриценко (6—6,5 фоиз).

Таъкидланишича, бир вақтнинг ўзида бир нечта сўровлар ўтказилмоқда, аммо улар озми-кўпми, бир-бирига ўхшаш.