Россия ҳукумати барча психоневрологик интернатдаги беморлар аҳволини баҳолаш мақсадида текширув ўтказишга қарор қилди. Бу ҳақда Meduza хабар берди.
Текширувда психиатр шифокорлар, ижтимоий соҳа ходимлари ва мансабдор шахслар иштирок этади. Улар муайян беморларга уйда ҳамроҳликда ёки васийликка олган оила қарамоғида яшаш технологиясини қўллаш мумкинлигини аниқлаши лозим.
Текширув ишлари тўрт ой давомида ўтказилади. Унинг қачон бошланиши номаълум.
Россия меҳнат вазирлиги раҳбари Максим Топилнинг сўзларига кўра, қарийб 40—45 фоиз беморлар ҳамроҳликда яшашга чиқарилиши мумкин, бироқ бунинг учун жуда катта тайёрлов ишлари лозим.
«Бу жуда оғир иш, лекин биз буни уддалаймиз, — деган Татьяна Голикова ижтимоий соҳада васийлик масаласи юзасидан Россия ҳукумати Кенгаши йиғилишида.
Изоҳ (0)