Ўзбекистон Миллий матбуот марказида «Ўзбекистонда зиёрат туризмни ривожлантириш истиқболлари» мавзусида матбуот анжумани ўтказилди. Бу ҳақда Туризмни ривожлантириш давлат қўмитаси матбуот хизмати хабар берди.
Матбуот анжуманида Ўзбекистон Республикаси Туризмни ривожлантириш давлат қўмитаси томонидан сайёҳликни миллий иқтисодиётнинг стратегик тармоғи сифатида соҳани ривожлантириш бўйича комплекс амалга оширилаётган чора-тадбирлар, ҳудудларни жадал ривожлантириш, аҳолининг даромадлари ва турмуш даражасини ошириш, шунингдек, инвестицияларни жалб қилишни таъминлаш борасида ўтказилаётган ислоҳотлар ҳақида маълумотлар берилди.
Зиёрат туризми бўйича сайёҳларни жалб қилиш мақсадида 2018 йилнинг 28 октябридан бошлаб Тошкент-Жидда йўналишида ҳафтасига 2 маротаба Куала-Лумпур-Тошкент авиақатнови йўлга қўйилди. Ушбу йўналишда, хусусан, МАК «Ўзбекистон ҳаво йўллари» билан биргаликда «Умра» зиёратига бориш истагидаги ўзбекистонликлар аҳолиси учун Тошкент-Жидда-Тошкент рейсларини ҳафтада 6 маротабагача кўпайтириш борасида ишлар олиб борилмоқда.
Flydubai авиакомпаниясига ҳафтада беш маротаба Тошкент билан Дубай ўртасида мунтазам йўловчи ташиш рейсларини амалга ошириш ҳуқуқи тақдим этилди, IATA Ёз-2019 мавсумидан бошлаб эса ҳафтада яна қўшимча икки авиапарвозни амалга ошириши мумкин бўлади.
Изоҳ (0)