Бухоро шаҳридаги Ислом Каримов кўчасида жойлашган вилоят прокуратураси биносида «Китобхон шаҳар» номли эркин ва очиқ кутубхона ташкил этилди. Бу ҳақда вилоят Прократураси матбуот хизмати раҳбари «Дарё»га маълум қилди.
— Бугунги кунда юртимизда китобхонликка, китоб мутолаасига жуда катта эътибор берилаётгани касб эгаларини янада фаол ишлашга ундамоқда. Вилоят прокурори секторида ташкил этилган кутубхонада 1500 турдаги 4700 дан ортиқ адабий-бадиий, маърифий ва илмий-оммабоп энг сара китоблар жамланган. Китобхонлар учун мазкур китоблардан ҳеч қандай расмиятчиликсиз, яъни бирор бир ҳужжат тақдим қилмасдан, беғараз олиб кетиб, мутолаа қилиш имконияти яратилди. Шунингдек, китобхонлар ўз истакларидан келиб чиқиб, шахсий кутубхоналаридан китоблар тақдим этишлари мумкин, — деди вилоят Прократураси матбуот хизмати раҳбари.
Вилоят прокурори сектори қошидаги кутубхона, нафақат, сектор жойлашган бинонинг ташқи томонида, балки иш юзасидан келган фуқаролар учун ички кутиш залида ҳам ташкил этилган. Кутубхонадан Абу Райҳон Беруний, Ал-Хоразмий, Абу Али ибн Сино, Амир Темур, Мирзо Улуғбек, Алишер Навоий, Заҳириддин Муҳаммад Бобур, Увайсий ва Нодира ҳамда замонавий адиб ва шоирлар китоблари ўрин олган.
Китобхонликни янада кенг тарғиб этишни янада кучайтириш мақсадида Когон шаҳар, Ғиждувон, Қоракўл ҳамда Когон туман прокурорлари секторларида ҳам шундай кутубхоналар ташкил этилди.
Изоҳ (0)