Россиянинг Краснодар ўлкаси прокуратураси ва вилоят соғлиқни сақлаш вазирлиги Новороссийскдаги касалхона шифокорлари томонидан жароҳатни парвариш қилиш учун тиббиёт ёпишқоқ лентасини қўллаш ўрнига, скотч ёпиштиргани ҳақида маълумот берди, деб ёзади «РИА Новости».
Аввалроқ, «Новороссийск блокноти»да Новороссийск шаҳрида истиқомат қилувчи ногирон 1-шаҳар шифохонасида даволанганлигидан шикоят қилган. Унга у ерда ёғли шишни олиб ташлаш учун кичик операция ўтказилган. Операциядан қолган чуқур яра тикилмасдан, фақат бир нечта бўлак скотч билан ёпиштирилган.
Бу ҳақда бемор уйига қайтиб келиб боғични алмаштириш вақти келган пайтида билиб қолган. У, шунингдек, жарроҳлик амалиёти тугаганидан сўнг дарҳол касалхонадан ўз хоҳишига биноан чиқиб кетган, чунки у ер унга бошқа чидаб бўлмайдигандек туйилган. Операция қилинганидан сўнг тиббий ходим унга эътибор бермаган, у ётган каравот шу заҳоти синиб кетган ва у ерда ногиронлар учун ҳеч қандай шароитлар бўлмаган. Шифохонанинг ўзи нашриётга барча тиббий амалиётлар тиббий ёрдам стандартларига мувофиқ равишда амалга оширилишини ва клиника пандуслар, лифтлар ва стандартларга мос каравотлар ва матраслар билан жиҳозланганлиги ҳақида айтган.
Изоҳ (0)