Владимир Путин ва Сооронбай Жээнбеков билан суратга тушган Чингиз Айтматовнинг невараси интернет юлдузига айланди. Бу ҳақда Sputnik Қирғизистон хабар қилди.
Россия ва Қирғизистон президентлари Бишкекда совет ва қирғиз ёзувчиси Чингиз Айтматовнинг музей-уйига ташриф буюрди. Ёзувчининг оила аъзолари улар учун экскурсия ўтказди.
Давлат раҳбарлари ёзувчи ҳаётининг сўнгги 20 йилини ўтказган уйда жойлашган экспозицияларни томоша қилди. Путин ва Жээнбековга Айтматов ҳаёти акс этган расмларни кўрсатишди.
Экскурсиядан сўнг президентлар Айтматовлар оиласи билан бирга суратга тушди. Россия президенти матбуот хизмати фотосуратчиси ёзувчининг беш ёшли невараси Сулаймон юзи ва қўли билан қилган кулгили ҳолатини тасвирга олди.
Изоҳ (0)