Шимолий Корея раҳбари Ким Чен Инга қарши бўлган «Эркин Чосон» муҳолифат гуруҳи 22 февраль куни Мадридда жойлашган КХДР элчихонасига қилинган ҳужум учун жавобгарликни ўз зиммасига олди, дея хабар беради «Интерфакс».
«Бу ҳужум эмас эди. Биз Мадриддаги элчихонада юз берган фавқулодда вазият учун жавобгармиз. Биз элчихонага таклиф этилдик, бироқ хабарларда айтилганидек ҳеч кимга зўравонлик ўтказмадик», — дейилади гуруҳ баёнотида.
«Биз элчихона ходимлари билан эҳтиёткор муносабатда бўлдик», — дейилади хабарда.
Гуруҳга кўра, ҳеч бир ҳукумат режалардан хабардор ёки ушбу ҳодисага алоқадор эмас эди.
Хабарда айтилишича, «ушбу маълумотлар ихтиёрий равишда, бизнинг эмас уларнинг илтимосига биноан берилган». Гуруҳ ўз баёнотида ахборот чиқиб кетишида Федерал қидирув бюросини айблаган.
«Бизни аниқлашга ёрдам берадиган маълумотлар билан бўлишиш, Пхеньян режимига ёрдам бериш билан баробардир» — дейилади гуруҳ баёнотида.
«Эркин Чосон» сирли гуруҳи ўзини Шимолий Корея халқини ваколатловчи вақтинчалик ҳукумат деб атайди ҳамда Шимолий Корея раҳбарининг ўгай укаси Ким Чен Намнинг ўғли Ким Хан Солни ҳимоя қилади.
22 февраль куни Мадриддаги КХДР элчихонасига номаълум шахслар гуруҳи кириб, ходимларни боғлаб, компьютерлар ва ҳужжатларни олиб қочиб кетган эди.
Ўз навбатида, Америка Қўшма Штатлари ушбу ҳодисага алоқадорлигини инкор этади.
Изоҳ (0)