25 март, душанба куни футбол бўйича 2020 йилги Европа Чемпионатининг саралаш босқичи доирасида гуруҳларда 2-турнинг навбатдаги учрашувлари бўлиб ўтди.
Дастлабки турда Чехияни 5:0 ҳисобида мағлубиятга учратган Англия терма жамоаси сафарда Черногорияни синовдан ўтказди.
Беллашувнинг 17-дақиқасида мезбон жамоа аъзоси Марко Весовичнинг киритган голига Англия Майкл Кин (30), Росс Баркли (39, 59), Ҳарри Кейн (71), Раҳим Стерлингнинг (81) голлари билан жавоб қайтарди (1:5).
Шу тариқа Гарет Саутгейт шогирдлари ўзининг навбатдаги йирик ғалабасини қўлга киритди.
Мазкур мусобақанинг амалдаги чемпиони Фернанду Сантуш қўл остидаги Португалия термаси ўз майдонида Сербия билан баҳсга киришди.
Ўйиннинг 7-дақиқасидаёқ мезбон жамоа ярим ҳимоячиси Дусан Тадич 11 метрлик жарима зарбасидан Руи Патрисиу қўриқлаётган дарвозани ишғол қилган бўлса, 42-дақиқага келиб Данило Перейра ҳисобни тенглаштирди ва томонлар бир очкодан бўлишиб олди (1:1).
Таъкидлаш жоиз, 1-бўлимнинг 31-дақиқасида португалияликлар етакчиси Криштиану Роналду жароҳат олди ва ўрнини Пицсига бўшатиб берди.
Шу куни Дидье Дешам бошқарувидаги Франция терма жамоаси Париж шаҳрида Исландия билан жанг қилди.
Баҳсда Самуэл Умтити (12), Оливье Жиру (68), Килиан Мбаппе (78), Антуан Гризманн (84) томонидан киритилган голлар французларнинг йирик ҳисобдаги ғалабасини таъминлади (4:0).
«H» гуруҳидан ўрин олган баҳсда эса Туркия ҳамда Молдова терма жамоалари ўзаро тўқнаш келди.
Учрашувнинг 24-дақиқасида Ҳасан Али Калдирим туркларни ҳисобда олдинга олиб чиққан бўлса, 26 ва 53-дақиқаларда Женк Тосун дублга эришди. 70-дақиқада эса Каан Айхан ҳам ўз номига битта гол ёздириб қўйди.
Шу тариқа Туркия термаси ўз майдонида Молдовани йирик 4:0 ҳисобида мағлубиятга учратиб, навбатдаги 3 очкони қўлга киритди.
Евро—2020
Саралаш, 2-тур баҳслари
25 март, душанба
«А» гуруҳи
Косово—Болгария 1:1
Голлар: 0:1 — 39 Божиков, 1:1 — 61 ЗенелиЧерногория—Англия 1:5
Голлар: 1:0 — 17 Весович, 1:1 — 30 Кин, 1:2 — 39 Баркли, 1:3 — 59 Баркли, 1:4 — 71 Кейн, 1:5 — 80 Стерлинг«B» гуруҳи
Люксембург—Украина 1:2
Голлар: 1:0 — 34 Турпел, 1:1 — 40 Циганков, 1:2 — 90, автогол, РодригесПортугалия—Сербия 1:1
Голлар: 0:1 — 7, пенальти, Тадич, 1:1 — 42 Перейра«H» гуруҳи
Туркия—Молдова 4:0
Голлар: 1:0 — 24 Калдирим, 2:0 — 26 Тосун, 3:0 — 53 Тосун, 4:0 — 70 АйханАндорра—Албания 0:3
Гол: 0:1 — 21 Садику, 0:2 — 87 Балай, 0:3 — 90 АбрашиФранция—Исландия 4:0
Гол: 1:0 — 12 Умтити, 2:0 — 68 Жиру, 3:0 — 78 Мбаппе, 4:0 — 84 ГризманнЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)