25-mart, dushanba kuni futbol bo‘yicha 2020-yilgi Yevropa Chempionatining saralash bosqichi doirasida guruhlarda 2-turning navbatdagi uchrashuvlari bo‘lib o‘tdi.
Dastlabki turda Chexiyani 5:0 hisobida mag‘lubiyatga uchratgan Angliya terma jamoasi safarda Chernogoriyani sinovdan o‘tkazdi.
Bellashuvning 17-daqiqasida mezbon jamoa a’zosi Marko Vesovichning kiritgan goliga Angliya Maykl Kin (30), Ross Barkli (39, 59), Harri Keyn (71), Rahim Sterlingning (81) gollari bilan javob qaytardi (1:5).
Shu tariqa Garet Sautgeyt shogirdlari o‘zining navbatdagi yirik g‘alabasini qo‘lga kiritdi.
Mazkur musobaqaning amaldagi chempioni Fernandu Santush qo‘l ostidagi Portugaliya termasi o‘z maydonida Serbiya bilan bahsga kirishdi.
O‘yinning 7-daqiqasidayoq mezbon jamoa yarim himoyachisi Dusan Tadich 11 metrlik jarima zarbasidan Rui Patrisiu qo‘riqlayotgan darvozani ishg‘ol qilgan bo‘lsa, 42-daqiqaga kelib Danilo Pereyra hisobni tenglashtirdi va tomonlar bir ochkodan bo‘lishib oldi (1:1).
Ta’kidlash joiz, 1-bo‘limning 31-daqiqasida portugaliyaliklar yetakchisi Krishtianu Ronaldu jarohat oldi va o‘rnini Pitssiga bo‘shatib berdi.
Shu kuni Didye Desham boshqaruvidagi Fransiya terma jamoasi Parij shahrida Islandiya bilan jang qildi.
Bahsda Samuel Umtiti (12), Olivye Jiru (68), Kilian Mbappe (78), Antuan Grizmann (84) tomonidan kiritilgan gollar fransuzlarning yirik hisobdagi g‘alabasini ta’minladi (4:0).
“H” guruhidan o‘rin olgan bahsda esa Turkiya hamda Moldova terma jamoalari o‘zaro to‘qnash keldi.
Uchrashuvning 24-daqiqasida Hasan Ali Kaldirim turklarni hisobda oldinga olib chiqqan bo‘lsa, 26 va 53-daqiqalarda Jenk Tosun dublga erishdi. 70-daqiqada esa Kaan Ayxan ham o‘z nomiga bitta gol yozdirib qo‘ydi.
Shu tariqa Turkiya termasi o‘z maydonida Moldovani yirik 4:0 hisobida mag‘lubiyatga uchratib, navbatdagi 3 ochkoni qo‘lga kiritdi.
Yevro—2020
Saralash, 2-tur bahslari
25-mart, dushanba
“A” guruhi
Kosovo—Bolgariya 1:1
Gollar: 0:1 — 39 Bojikov, 1:1 — 61 ZeneliChernogoriya—Angliya 1:5
Gollar: 1:0 — 17 Vesovich, 1:1 — 30 Kin, 1:2 — 39 Barkli, 1:3 — 59 Barkli, 1:4 — 71 Keyn, 1:5 — 80 Sterling“B” guruhi
Lyuksemburg—Ukraina 1:2
Gollar: 1:0 — 34 Turpel, 1:1 — 40 Tsigankov, 1:2 — 90, avtogol, RodrigesPortugaliya—Serbiya 1:1
Gollar: 0:1 — 7, penalti, Tadich, 1:1 — 42 Pereyra“H” guruhi
Turkiya—Moldova 4:0
Gollar: 1:0 — 24 Kaldirim, 2:0 — 26 Tosun, 3:0 — 53 Tosun, 4:0 — 70 AyxanAndorra—Albaniya 0:3
Gol: 0:1 — 21 Sadiku, 0:2 — 87 Balay, 0:3 — 90 AbrashiFransiya—Islandiya 4:0
Gol: 1:0 — 12 Umtiti, 2:0 — 68 Jiru, 3:0 — 78 Mbappe, 4:0 — 84 GrizmannYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)