Украинадаги аксарият полициячилар Калашников автоматлари ва Макаров тўппончаларидан воз кечмоқчи. Бу ҳақда «Газета.ru» хабар беради.
Унга кўра, полиция мавжуд қурол-аслаҳаларни Европада ишлаб чиқарилган қуроллар билан алмаштирмоқчи.
«Бизнинг мақсадимиз — 90 фоиз анъанавий Калашников автоматлари, Макаров ҳамда ТТ (Токарев) ҳарбий тўппончаларидан воз кечишга эришиш», — дейди Украина Миллий полицияси бошлиғи Сергей Князев.
Қайд этилишича, полиция ходимлари Калашников автоматини ҳарбий қурол деб билгани учун ундан фойдаланишни истамайди.
Князевнинг сўзларига кўра, Украина полицияси немис МП-5 (Heckler & Koch) ўқотар қуролларини сотиб олмоқчи.
Изоҳ (0)