Тошкентдаги «Халқлар дўстлиги» санъат саройида Ўзбекистон халқ артисти Юлдуз Усмонова «Мен сени севаман» деб номланган янги мусиқий дастурини тақдим этмоқда. Бу ҳақда ЎзА хабар берди.
10 мартдан бошланган мазкур концертлар 24 мартга қадар давом этади. Унда кўплаб сара ва янги қўшиқлар жонли ижрода мухлисларга ҳавола этилмоқда.
— Бу концертга ҳам ҳар йилгидек пухта тайёргарлик кўрилди, — дейди Юлдуз Усмонова. — Бошимдан ўтган мураккаб жараёнлар руҳий бойишимга, янада юксалишимга сабаб бўлди. Ўзимда кечган шундай руҳий ўзгаришлар билан охирги 3-4 йилда шу каби концертлар бўляпти. Мухлисларимга оиламга, қадрдонларимга атаган барча тилакларимни билдираман: соғлик-саломатлик, назари тўқлик, нафсига ҳокимлик уларга ёр бўлсин.
Изоҳ (0)