Россиялик хонанда ва бошловчи Юлия Началова 16 март куни 38 ёшида вафот этди. Бу ҳақда «МК.ru» хабар бермоқда.
Хонанданинг отаси продюсер Виктор Началовга кўра, қизининг ўлимига сепсис ва юрак тўхташи сабаб бўлган.
Юлия Началова 11 март куни оғир ҳолатда касалхона ётқизилган, орадан икки кун ўтиб сунъий кома ҳолатига туширилганди. 16 март куни тонгда хонанданинг оёғи операция қилинган, бироқ Юлия операциядан омон чиқмаган.
Началованинг собиқ шифокори Василий Шуровнинг айтишича, хонанданинг оёғидаги кичик яра ва Юлиянинг оғриққа тоқатли бўлгани, врачларга вақтида мурожаат қилмагани касаллик зўрайишига олиб келган.
Маълумот учун, Юлия Началова 1990 йилларда Россия эстрадасига кириб келган ва ўлимига қадар 8 та мусиқий альбом чиқаришга улгурганди.
Изоҳ (0)