Халқ депутатлари Мингбулоқ туман Кенгашининг навбатдан ташқари сессияси бўлиб ўтди. Бу ҳақда «Дарё»га Наманган вилоят ҳокимлиги ахборот хизмати маълум қилди.
Сессияда ташкилий масала кўрилди. Нуршод Худойбердиев Мингбулоқ тумани ҳокими вазифасини бажарувчи этиб тайинланди.
Нуршод Худойбердиев 1983 йилда Янгиқўрғон туманида туғилган. 2004 йилда Наманган муҳандислик-педагогика институтини тамомлаган. Маълумоти бўйича мутахассислиги агромуҳандис.
У шу пайтга қадар Норин-Сирдарё ирригация тизимлари ҳавза бошқармаси бошлиғи вазифасида ишлаб келаётганди.
Эслатиб ўтамиз, олдинроқ Мингбулоқ тумани ҳокими Тоҳиржон Рапиқов Наманган вилояти ҳокимининг қишлоқ ва сув хўжалиги масалари бўйича ўринбосари этиб тайинлангани ҳақида хабар берилганди.
Изоҳ (0)