Украина раҳбари Пётр Порошенко баъзи Россия фуқароларига қарши янги санкциялар жорий қилди, дея хабар беради «Газета.ru».
Украина президенти ўз мустақиллигини эълон қилган Луганск Халқ Республикаси ва Донецк Халқ Республикаси сайловларида кузатувчилар сифатида фаолият олиб борган, шунингдек, Қрим кўпригининг қурилишида иштирок этган бир қатор мамлакатлар фуқароларига санкциялар қўллаш тўғрисидаги фармонга имзо чекди. Санкциялар 294 та юридик шахс ва 848 нафар жисмоний шахсга нисбатан қўлланилади.
Бундан олдин, Украина Миллий хавфсизлик ва мудофаа кенгаши «Украинага қарши тажовузкор ҳаракатлар»ни қўллаб-қувватлаган юридик ва жисмоний шахсларга нисбатан санкциялар жорий этиш тўғрисида қарор қабул қилди.
Аввалроқ, Керчь бўғози можароси сабабли Австралия етти нафар Россия фуқаросига қарши санкциялар жорий қилганди.
Шунингдек, АҚШ Конгрессида Венесуэла туфайли Россияга қарши санкциялар қўллашни исташган эди.
Изоҳ (0)