Бир неча оммавий ахборот воситаларида «Энди мактабда ўқимаганга ҳам аттестат берилади» мавзусида мақолалар чоп этилди. Ўзбекистон Халқ таълими вазирлигининг матбуот хизмати мазкур мақолалар бўйича вазирлик изоҳини тақдим этди.
Ўзбекистон Республикаси «Таълим тўғрисида»ги қонунининг 3-моддасида умумий ўрта таълимнинг мажбурий эканлиги белгиланган. Умумий ўрта таълим мактабларининг 1-синфига болалар 6—7 ёшдан қабул қилинади ва умумий ўрта таълимнинг мажбурий эканлиги инобатга олиб мактабларга ўқувчилар 18 ёшгача жалб этилади.
Шу билан бирга, ўқувчиларнинг билим олиш ҳуқуқини таъминлаш ва таълимнинг кейинги босқичини давом эттиришига имконият яратиш мақсадида вояга етиб, мактаб ёшидан ошган, турли сабабларга кўра мактабни якунлай олмаган ёки мажбурий таълимга жалб этилмай қолган 18 ёшга тўлган фуқароларга экстернат тартибида якуний давлат аттестацияларни топшириш ҳуқуқи берилади. Якуний аттестацияларни муваффақиятли топширган фуқароларгагина белгиланган тартибда маълумот тўғрисида ҳужжат (шаҳодатнома) берилади.
Бу ҳақида Халқ таълими вазирининг 2015 йил 13 апрелдаги «Экстернат тўғрисидаги низомни тасдиқлаш ҳақида»ги 9-мҳ-сонли буйруғи қабул қилинган.
Эслатиб ўтамиз, аввалроқ Самарқандда мактабда ўқимаганлар аттестат олиши учун имтиҳонлар ташкил қилиниши ҳақида хабар берилган эди.
Изоҳ (0)