Бугун,

  • USD 10940.05
  • RUB 182.26
  • EUR 11121.65

2019 йил 10 март куни соат 22.30 атрофида «Фарғона ҳалқа йўли» автомобиль йўлининг 69-километрида, Тўрақўрғон тумани ҳудудида Nexia автомобилини бошқарган ҳайдовчи қарама-қарши йўналишга ўтиб кетиб, қаршисидан ҳаракатланиб келаётган Damas билан тўқнашди. Бу ҳақда «Дарё»га Наманган вилоят ИИБ матбуот хизмати маълум қилди.

Фото: «Дарё»

Фото: «Дарё»

ЙТҲ оқибатида Nexia ҳайдовчиси ва ёнида бўлган йўловчи, Damas ҳайдовчиси ва унинг йўловчиси, жами 4 киши оғир тан жароҳати олиб, воқеа жойида ҳалок бўлган.

Nexia автомобилида бўлган 3 нафар ва Damas машинасида бўлган 2 нафар йўловчи жароҳат олиб, шифохонага ётқизилган. Уларга шифокорлар томонидан ташхис қўйилиб, тиббий ёрдам кўрсатилмоқда.

Ушбу ҳолат юзасидан 2019 йил 10 март куни ЖКнинг 266-моддаси 3-қисми билан жиноят иши қўзғатилиб, ҳозирда Наманган вилоят ИИБ ҳузуридаги Тергов бошқармаси томонидан дастлабки тергов ҳаракатлари олиб борилмоқда.

Эслатиб ўтамиз, олдинроқ Тошкентда «Қўқон-1912» жамоаси билан кечган футбол ўйинидан қайтаётган «Навбаҳор»нинг 5 нафар мухлиси бўлган Nexia иштирокидаги автоаварияда 2 нафар мухлис ҳалок бўлгани, уч нафар мухлис эса касалхонага жойлаштирилгани билдирилганди.

Изоҳ
Асосий янгиликлар