Қашқадарё вилоятида айни кунгача 2 миллион 21 минг 504 нафар фуқаро нобиометрик паспортларини биометрик паспортларга алмаштиришга улгурди. Маълумотларга кўра, вилоят аҳолисининг 94,8 фоизи биометрик паспортли бўлган. Бу ҳақда «Дарё»га Қашқадарё вилоят ИИБ Миграция ва фуқароликни расмийлаштириш бошқармаси катта инспектори Фаёз Қурбонов хабар бермоқда.
Фаёз Қурбоновга кўра, Миграция ва фуқароликни расмийлаштириш бошқармаси ходимлари ногиронлиги бўлган ёки жисмоний ҳаракати чекланган фуқароларга ҳам кўчма биометрик маълумотларни шакллантириш қурилмаси орқали биометрик паспорт бериш ишларини давом эттирмоқда.
«8 март байрами муносабати билан Қарши шаҳрининг чекка ҳудудларидаги ногирон ва имконияти чекланган кекса ёшли фуқаролар ҳолидан хабар олдик, байрам билан қутладик, — дейди Қарши шаҳар Ички ишлар органлари фаолиятини мувофиқлаштириш бошқармаси, миграция ва фуқароликни рўйхатга олиш бўлими бошлиғи Замира Рустамова. – Жорий йил бошида биомертик паспорт олиши лозим бўлган, аммо бўлимга келишга имконияти бўлмаган 300 нафар фуқаро рўйхатга олинган бўлса, айни кунгача 198 нафарига биометрик паспорт берилди».
Қашқадарё вилоят ИИБ Миграция ва фуқароликни расмийлаштириш бошқармаси ходимлари 8 март куни байрами муносабати билан Қарши шаҳрининг «Нақшаб» маҳалласи, «Гулбоғ» кўчасида яшовчи 93 ёшли Нина Дяконова хонадонида ҳам бўлиб, кўчма биометрик маълумотларни шакллантириш қурилмаси орқали фуқаро маълумотларини расмийлаштиришди.
Масъулларнинг айтишича, фуқаро ҳақидаги маълумотлар маълумотлар расмийлаштирилиб, расмга туширилгач биометрик паспорт 15 кун ичида фуқарога етказиб берилади.
Изоҳ (0)