8 март, жума куни футбол бўйича Италия чемпионатининг 27-тур баҳслари бошланди.
Турнинг дастлабки ўйинида мусобақа жадвалида етакчилик қилаётган Туриннинг «Ювентус» клуби «Удинезе»га қарши майдонга тушди.
Учрашувда Турин клубининг 19 ёшли ҳужумчиси Мойзе Кин дублга эришган бўлса, Эмре Жан ва Блез Матюиди эса ҳисобларига биттадан гол ёздириб қўйишнинг уддасидан чиқди. «Удинезе» бу голларга битта голи билан жавоб қайтарди, холос.
Ушбу ғалабадан сўнг «Ювентус»нинг очколари сони 75 тага етди. Қайд этиш жоиз, иккинчи ўриндаги «Наполи» ҳисобида 56 очко мавжуд. Улар ўртасидаги фарқ эса 19 очкони ташкил этмоқда.
А Серия
27-тур баҳслари
8 март, жума
«Ювентус»—«Удинезе» 4:1
Голлар: 1:0 – 11 Кин, 2:0 – 39 Кин, 3:0 – 67, пенальти Жан, 4:0 – 71 Матюиди, 4:1 – 84 Лазанья.«Ювентус»: Шесни, Бардзали (Бонуччи, 25), Касерес, Ругани, Алекс Сандро, Жан, Спинассола, Матюиди (Дибала, 72), Бентанкур, Бернардески, Кин (Николусси-Кавиля, 80).
«Удинезе»: Муссо, Ларсен, Зегелар, Уилмот (Лазанья, 46), тер Авест (Сандро, 62), Трост-Эконг, де Паул, Ньюйтинк (Опоку, 25), Пуссетто, Де Майо, Фофана.
Огоҳлантиришлар: Ларсен (27), Пуссетто (50), Опоку (53).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)