Тошкент вилоятида 2017—2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини Фаол инвестициялар ва ижтимоий ривожланиш йилида амалга оширишга оид Давлат дастурида белгиланган вазифалар мазмун-моҳиятини кенг жамоатчиликка етказишга бағишлаб семинар ўтказилди. Бу ҳақда ЎзА хабар бермоқда.
Унда бандлик ва меҳнат муносабатлари вазири Ш.Кудбиев бандликни таъминлаш масаласи бўйича маъруза қилди.
Семинарда Тошкент вилояти ҳокими Ғ.Ибрагимов фурсатдан фойдаланиб, бандлик ва меҳнат муносабатлари вазиридан 10 минг қурувчи мутахассис тайёрлаб беришини сўради.
– Вилоят, айниқса маъмурий марказ – Нурафшон шаҳри улкан бунёдкорлик майдонига айланди, – деди ҳоким. – Узоқ йиллар давом этиши режалаштирилган йирик ҳажмдаги қурилиш жараёнига шунга яраша салоҳият зарур. Айни пайтда шу мақсадда шаҳарда 4 та қурилиш трести ташкил этилиб, моддий-техник базаси мустаҳкамланмоқда. Бу борада муаммо йўқ. Лекин бизга 10 минг нафар малакали қурувчи мутахассис керак.
Ўз навбатида бандлик ва меҳнат муносабатлари вазири ишсиз аҳоли, айниқса, ёшларни ўқитиб, 10 минг нафар қурувчи тайёрлаб беришини маълум қилди.
Изоҳ (0)