«Говорит Москва» радиостанциясининг бош муҳаррири Сергей Доренко Федерал Мажлис, ҳукумат ва президент маъмуриятига Иосиф Сталиннинг қабрини Қизил майдондан олиб ташлаш талаби билан мурожаат қилди. Бу ҳақда «РИА Новости» хабар берди.
Унинг сўзларига кўра, «Сталин тирик», ҳозирча у пойтахт марказида ётибди. Доренко бунга дарҳол чек қўйишга чақирди.
«Сталин — бу ҳар биримиз уялишимиз керак бўлган нарсадир», — деди у.
Журналистнинг фикрича, ҳар бир россиялик бу шармандаликни тан олиб, ундан воз кечиши керак.
Бир кун аввал Россия Федерацияси Коммунистик партияси Давлат Думаси депутатлари ва уларнинг тарафдорлари Москвадаги Кремль деворининг яқинида Сталиннинг вафотининг 66 йиллиги муносабати билан унинг қабрига гул қўйган. Тадбирда икки юзга яқин киши иштирок этган.
Иосиф Сталин (Жугашвили) 1920 йиллар охиридан бошлаб 1953 йил вафотига қадар СССРнинг бошлиғи бўлган. Сталин бир неча марта шахсиятга сиғиниш ва оммавий қатағонлар учун танқид қилинган.
Изоҳ (0)