Қозоғистонлик фирибгар қўқонлик аёлни 1200 долларга туширди. Бу ҳақда ИИВ жамоатчилик ва ОАВ билан алоқалар бошқармаси хабар берди.
Қўқон шаҳрида яшовчи Х.Т. исмли аёл ИИБга мурожаат қилиб, интернет тармоғидаги Apple New реклама сайти орқали ўзини Қозоғистон фуқароси «Жаден Гулдана» деб таништирган шахс Telegram ижтимоий тармоғи орқали уни чув туширганидан шикоят қилди.
У Х.Т. 2 дона iPhone XS мобил телефонини сотиб олса, унга яна битта телефон қўшиб беришини айтиб ишонтиради. 2018 йил 26 декабрь куни Х.Т. Қўқон шаҳридаги банкнинг халқаро электрон пул ўтказмаси орқали Ж. Гулданага 1200 АҚШ долларини ўтказади, бироқ шу кунга қадар мобил телефонларни ҳам, пулларини ҳам қайтариб ололмайди.
Мазкур ҳолат юзасидан жиноят иши қўзғатилган. Ушбу жиноятни содир этган номаълум шахсни аниқлаш ва ушлаш чоралари кўрилган.
Изоҳ (0)