2018 йилнинг 4 ноябрь куни, соат тахминан 23:30 да фуқаро Қ.Б ўзига тегишли Malibu русумли автомашинани спиртли ичимлик истеъмол қилган ҳолда уяли алоқа воситасидан фойдаланиб бошқараётган ҳайдовчи қарама-қарши йўналишга чиқиб, Nexia автомобили билан тўқнашув содир этган. Бу ҳақда Жиноят ишлари бўйича Хоразм вилояти Урганч туман суди раиси вазифасини бажарувчи Д.Муратов хабар берди.
ЙТҲдан сўнг Қ.Б. ёрдам кўрсатиш имкониятга эга бўла туриб, Nexia’даги фуқароларга ёрдам кўрсатмасдан уларни кўчага ташлаб қасддан воқеа жойидан яширинган.
Бунинг оқибатида Nexia’да бўлган йўловчи Д.А ҳодиса жойида вафот этган.
Фуқаро Қ.Б.га нисбатан Ўзбекистон Республикаси Жиноят кодекисининг 117-моддаси 3-қисми «б» банди ва 266-моддаси 2-қисми билан жиноят иши қўзғатилди.
Жиноят иши юзасидан мавжуд далиллар ва гувоҳлар кўрсатмалари текширилиб, Ўзбекистон Республикаси ЖПКнинг 211, 454—547, 462—468-моддалари билан айбли деб топилди.
Унга Ўзбекистон Республикаси Жиноят Кодексининг 59-моддаси тартибида яшаш жойини у ёки бу сабаб билан сутканинг соат 21:00 дан 08:00 га қадар чиқишни чеклашдан иборат уч йил олти ой озодликни чеклаш жазоси ва икки йил муддатга транспорт воситаларини бошқариш тарзидаги муайян ҳуқуқидан маҳрум қилиш жазоси тайинланди.
Изоҳ (0)