Бугун,

  • USD 11095.31
  • RUB 173.84
  • EUR 10772.44

Жиноят ишлари бўйича Самарқанд туман судида туман ҳокимлигининг захира ерлари тасарруфида бўлган ер майдонларини фуқароларга уй-жой қуриш учун сотиб юборган фермернинг иши кўриб чиқилди. Бу ҳақда Самарқанд туман суди «Дарё»га маълум қилди.

Фото: «РИА Новости»

Фото: «РИА Новости»

«Холиқ-Агро» фермер хўжалиги раиси Алишер Азимов 2018 йилнинг март ойида фуқаро М.Аҳмедовни алдаб, бир сотих ерни 1000 долларга сотишини маълум қилган. Аҳмедовни ўзининг сўзларига ишонтирган Азимов 6 сотих ер участкаси учун 6000 доллар миқдоридаги пулларни фирибгарлик йўли билан қўлга киритган.

Бундан ташқари, Алишер Азимов ўзининг жиноий ҳаракатларини давом эттириб, 2018 йилнинг октябрь ойида фуқаро М.Фозиловани алдаб, унинг ишончига кириб, туман ҳокимлигининг захира ерлари тасарруфида бўлган ер майдонидан 10 сотих ер участкасини бериш эвазига 9500 доллар миқдоридаги пулларни фирибгарлик йўли билан қўлга киритган.

Алишер Азимовнинг кирдикорлари унинг фермер хўжалигига 2018 йилнинг 4 декабрь куни Самарқанд туман ҳокими келганидан сўнг аниқ бўлган. Азимовдан фермер хўжалигининг ерларини фуқароларга уй-жой сифатида ажратиб бериш сабаблари сўралганда, у ушбу уй-жойларни ажратиб бермаганлигини маълум қилган. Фуқаро Аҳмедов ва Фозилованинг ноқонуний қурилган қурилишларини бузиш ишлари бошланганидан сўнг улар туман ИИБга келиб, «Холиқ-Агро» фермер хўжалиги ерларидан ер ажратиб бериш эвазига Азимов пул талаб қилганлиги юзасидан мурожаат қилган. Айнан ушбу мурожаатдан сўнг Алишер Азимов ерларни ноқонуний тарзда сотганлиги аниқланди.

Жиноят ишлари бўйича Самарқанд туман судининг «Пулимуғоб» маҳалла фуқаролар йиғинида бўлиб ўтган сайёр суд мажлисида томонларнинг тақдим этган тушунтириш хатлари, юзлаштириш баённомаси, ашёвий далил ҳамда иш бўйича тўпланган бошқа далиллар йиғиндиси билан Алишер Азимовнинг айби тўлиқ исботланди. Суд мажлисида судланувчи ўз айбига тўлиқ иқрорлик билдириб суддан енгиллик беришни сўради.

Судья Д.Нуралиев раислигида ўтган суд мажлисида Алишер Азимов Ўзбекистон Жиноят Кодексининг 168-моддаси 3-қисми «а, б» бандлари (кўп миқдорда; такроран ёки хавфли рецидивист томонидан содир этилган фирибгарлик) билан айбли деб топилди. Унга ҳар ойлик иш ҳақининг 20 фоизини давлат даромади ҳисобига ушлаб қолган ҳолда, 3 йил ахлоқ тузатиш ишлари жазоси тайинланди. Шунингдек, Самарқанд вилоят ИИБ депозитида сақланаётган жами 124 980 760 сўм пуллардан 79 656 930 сўм миқдоридаги пуллар жабрланувчи М.Фозиловага, 45 323 830 сўм миқдоридаги пуллар М.Аҳмедовга топширилиши белгиланди.

Изоҳ
Асосий янгиликлар
Маҳаллий
Ўзбекистонда Уруғчилик ҳамда пистачилик илмий марказлари ташкил этилади
Дунё
Қирғизистонда 9 кишида “Цефтриаксон”га аллергик реакция кузатилди, бир киши вафот этди
Шоу-бизнес
Йиллар давомида таниб бўлмас даражада ўзгарган Голливуд актёрлари (фото)