22 февраль, жума куни футбол бўйича Англия премьер лигасининг 27-тур баҳсларига старт берилади.
«Вест Ҳэм» ўз майдонида «Фулҳэм»ни қабул қилса, «Кардифф» жамоаси «Уотфорд»ни меҳмон қилади. Иккала беллашув ҳам 00:45 да бошланиши белгиланган.
23 февраль, шанба куни Маурисио Поччетино қўл остидаги Лондоннинг «Тоттенҳэм» клуби сафарда «Бёрнли» меҳмони бўлади. Ўйин Тошкент вақти билан соат 17:30 да бошланади.
24 февраль, якшанба куни турнинг марказий учрашуви «Олд Траффорд» стадионида бўлиб ўтади. Унда мусобақа жадвалида 4-ўринда бораётган Оле-Гуннар Сульшер бошлиқ «Манчестер Юнайтед» клуби, 65 очко тўплаган ҳолда мусобақа жадвалида иккинчи поғонада бораётган Юрген Клопп бошқарувидаги «Ливерпуль» жамоаси билан жанг қилади.
Шу куни Унаи Эмери бошқарувидаги «Арсенал» клуби ўз майдонида «Саутҳэмптон»ни синовдан ўтказади. Иккала беллашувга ҳам 19:05 да старт берилади.
Эслатиб ўтамиз, «Манчестер Сити» 7 февраль куни мазкур турни муддатидан аввал ўтказганди. Унда «шаҳарликлар» сафарда «Эвертон» меҳмони бўлди. Учрашувда Эмерик Ляпорт (45+2) ҳамда Габриэль Жезус (90) нинг голлари «манкунианлар»га ғалаба келтирганди.
27-тур баҳсларидан сўнг мусобақа жадвалидаги ҳолат:
АПЛ
27-тур баҳслари
22 февраль, жума
«Вест Ҳэм»—«Фулҳэм» 00:45
«Кардифф»—«Уотфорд» 00:45
23 февраль, шанба«Бёрнли»—«Тоттенҳэм» 17:30
«Борнмут»—«Вулверҳэмптон» 20:00
«Ньюкасл»—«Ҳаддерсфилд» 20:00
«Лестер»—«Кристал Пэлас» 22:30
24 февраль, якшанба«Арсенал»—«Саутҳэмптон» 19:05
«Манчестер Юнайтед»—«Ливерпуль» 19:05
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)