22-fevral, juma kuni futbol bo‘yicha Angliya premyer ligasining 27-tur bahslariga start beriladi.
“Vest Hem” o‘z maydonida “Fulhem”ni qabul qilsa, “Kardiff” jamoasi “Uotford”ni mehmon qiladi. Ikkala bellashuv ham 00:45 da boshlanishi belgilangan.
23-fevral, shanba kuni Maurisio Pochchetino qo‘l ostidagi Londonning “Tottenhem” klubi safarda “Byornli” mehmoni bo‘ladi. O‘yin Toshkent vaqti bilan soat 17:30 da boshlanadi.
24-fevral, yakshanba kuni turning markaziy uchrashuvi “Old Trafford” stadionida bo‘lib o‘tadi. Unda musobaqa jadvalida 4-o‘rinda borayotgan Ole-Gunnar Sulsher boshliq “Manchester Yunayted” klubi, 65 ochko to‘plagan holda musobaqa jadvalida ikkinchi pog‘onada borayotgan Yurgen Klopp boshqaruvidagi “Liverpul” jamoasi bilan jang qiladi.
Shu kuni Unai Emeri boshqaruvidagi “Arsenal” klubi o‘z maydonida “Sauthempton”ni sinovdan o‘tkazadi. Ikkala bellashuvga ham 19:05 da start beriladi.
Eslatib o‘tamiz, “Manchester Siti” 7-fevral kuni mazkur turni muddatidan avval o‘tkazgandi. Unda “shaharliklar” safarda “Everton” mehmoni bo‘ldi. Uchrashuvda Emerik Lyaport (45+2) hamda Gabriel Jezus (90) ning gollari “mankunianlar”ga g‘alaba keltirgandi.
27-tur bahslaridan so‘ng musobaqa jadvalidagi holat:
APL
27-tur bahslari
22-fevral, juma
“Vest Hem”—“Fulhem” 00:45
“Kardiff”—“Uotford” 00:45
23-fevral, shanba“Byornli”—“Tottenhem” 17:30
“Bornmut”—“Vulverhempton” 20:00
“Nyukasl”—“Haddersfild” 20:00
“Lester”—“Kristal Pelas” 22:30
24-fevral, yakshanba“Arsenal”—“Sauthempton” 19:05
“Manchester Yunayted”—“Liverpul” 19:05
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)