Ukraina xavfsizlik xizmati 2014-yilda MH17’ni urib tushirgan “Buk” zenit raketa tizimini Rossiyadan Donbassga olib o‘tishda ishtirok etgan Bosh razvedka boshqarmasi (GRU) ofitseri Oleg Ivannikovga qidiruv e’lon qildi. Bu haqda “Kommersant” xabar berdi.
Qayd etilishicha, erkak Ukrainaga qarshi “tajovuzkor urush olib borish” va terroristik tashkilot tashkil yoki unda ishtirok etishda gumonlanmoqda.
Aviahalokat 2014-yilning 17-iyul kuni sodir bo‘lgan. Amsterdam—Kuala-Lumpur yo‘nalishi bo‘ylab parvoz qilayotgan samolyotda 298 nafar yo‘lovchi bo‘lgan. Ularning barchasi halok bo‘lgan.
Tergov guruhi samolyotni urib tushirgan “BUK” Rossiya harbiy qismidan keltirilganini ma’lum qilgan. Rossiya TIV esa tergov xizmati Rossiya bergan ma’lumotlarni e’tiborga olmaganini aytgan. Rossiya Mudofaa vazirligi birorta ham “BUK” Ukraina chegarasini kesib o‘tmaganini ta’kidlagan
Hozirda Niderlandlar va Avstraliya MH17 halokatida Rossiyani ayblab, uni javobgarlikka tortishga va’da bergan.
Izoh (0)