Буюк Британияда яшовчи сураткаш Линкольншир инглиз графлиги ҳудудида кам учрайдиган альбинос-олмахонни суратга олди, деб ёзади Independent.
Лаут шаҳридан бўлган ёввойи табиат сураткаши Стивен Плант (Stephan Plant) кўкторғоқлар оиласига мансуб қушни суратга олиш учун пайт пойлаб турган вақтда камёб рангдаги кемирувчини кўриб қолган.
«Уни кўриб қолганимда кўзларимга ишонмаган эдим», — дейди 60 ёшли сураткаш.
«У жуда секин яқинлашди. Аввалига уни каламуш деб ўйладим, аммо момиқ думини кўриб ҳайратдан донг қотдим. Мен ундан 30 метр узоқда турган эдим, лекин у умуман хадиксирамади. Секин аста юриб борди ва бирдан бир неча сонияга тўхтаб қолди. Бу менга бир неча омадли тасвирлар олишга имкон берди», — дейди у.
Қайд этилишича, Буюк Британияда атиги 50 та шундай олмахонлар яшайди. Уларнинг кам учрайдиган ранги меланин моддаси етишмаслиги билан боғлиқ. Шу сабабли териси, туклари ва кўзлари оқ рангли тусга киради. Альбинос-олмахонни кўпинча кенг тарқалган очроқ рангдаги олмахонлар билан адаштиришади. Бироқ улар кўзлари тўқ рангда эканлигини билан албинос олмахонлардан фарқланади.
Изоҳ (0)