Бўстонлиқ туманининг Чимён тоғ-чанғи ҳудудида илк бор «Chimgan Challange» қишки спорт ўйинлари бўйича ёшлар фестивалига старт берилди, дея хабар беради Ўзбекистон ёшлар иттифоқининг Facebook’даги расмий саҳифаси.
Фестиваль Ўзбекистон ёшлар иттифоқи, Жисмоний тарбия ва спорт вазирлиги, Миллий олимпия қўмитаси ҳамда Спортнинг қишки ва мураккаб техник турлари бўйича республика олий спорт маҳорат мактаби ҳамкорлигида ташкил этилмоқда.
Таъкидлаш жоизки, ёшлар орасида спортнинг қишки турларини оммалаштириш, навқирон авлод вакилларида салбий иллатларга қарши соғлом иммунитетни шакллантириш мақсадида ташкил этилган мазкур фестивалда 18 дан 30 ёшгача бўлган ҳаваскор спортчи ёшлар тоғ-чанғиси, сноwбоардинг ҳамда волейбол спорт турлари бўйича беллашади.
Мусобақаларда Тошкент вилоятининг ҳар бир туман ҳамда шаҳарларидан 500 нафарга яқин ёшлар иштирок этмоқда.
Изоҳ (0)