Energizer компанияси 18 минг мА/соат батарея билан бир марта қувват олгандан кейин 50 кунгача ишлайдиган смартфон яратди. Бу ҳақда «Корреспондент.net» хабар берди.
Гаджетнинг тақдимоти Барселонада бўлиб ўтади.
Ишлаб чиқарувчи янги маҳсулотни «батареяси бақувват бўлган биринчи смартфон» деб атаган.
Хабарда айтилишича, тўлиқ зарядланган батарея 100 соатлик мусиқа ва икки кунгача тўхтовсиз видео ижро этишга етиши керак.
Шунингдек, янги маҳсулот дастурий таъминотни оптималлаштирувчи ва энергияни тежовчи технологияларни ҳам қабул қилади. Гаджетни «нормал» ишлатганда қуввати бир ҳафтага етиши керак.
Смартфоннинг 16+2 мегапикселли қўш олд камера ва 12+5+2 мегапикселли учталик сенсорли асосий камераси бор. Қурилманинг асосига MediaTek Helio P70 процессори ўрнатилган.
Изоҳ (0)