Жорий йилда Тошкентда Менделеев номидаги Россия кимё-технология университети (РКТУ) филиалини очиш режалаштирилмоқда. Давлат раҳбарининг шу бўйича қарор лойиҳаси ишлаб чиқилган, дея хабар беради «Халқ сўзи».
Филиал Сергели туманидаги Тошкент молия-иқтисодиёт коллежи биносига жойлаштирилиши кўзда тутилган.
Бу ерда бакалавриат бўйича тўрт, магистратура бўйича икки йўналиш ташкил этилиши мўлжалланмоқда.
Таълим бериш Россия стандартларига кўра ва грант ҳамда тўлов-контракт асосида йўлга қўйилади. Давлат грантида ўқишни тамомлаганлар тақсимот бўйича республика ишлаб чиқариш-саноат тармоқларида 5 йилдан кам бўлмаган муддатда ишлаб беради.
Битирувчиларга Россия намунасидаги диплом берилади ва у Ўзбекистон ҳудудида тан олинади.
Изоҳ (0)