2019 йил 13 февраль куни Ўзбекистон Республикаси геология ва минерал ресурслар давлат қўмитаси ва Туркия геологик хизмати ўртасида олтин ва вольфрам истиқболли майдонларида геология-қидирув ишларини олиб бориш бўйича битим имзоланди, дея хабар беради қўмита матбуот хизмати.
Қазиб олиш ишлари Ўзбекистоннинг Навоий ҳамда Жиззах вилоятларида вольфрам ва олтинга истиқболли бўлган Саритау, Хуроб ва Айдим-Житимтау майдонларда геология-қидирув ва тажриба-саноат йўсинида олиб борилади.
Ушбу битимни амалга ошириш учун Туркия геологик хизмати Оператор — «Тошкент Майнинг Лимитед» масъулияти чекланган жамиятини ташкил этган ва у лойиҳани амалга ошириш учун жавобгар бўлади.
Битимга мувофиқ, томонлар белгилаган иш дастури асосида режалаштирилаётган дала ишларининг йириклаштирилган техник-иқтисодий асосини тайёрлайди. Шу билан бирга, жорий йилда 2 миллион АҚШ доллари миқдорида хорижий сармоялар киритиш мўлжалланмоқда.
Учта истиқболли майдонда аэрогеофизик ишлар, масофадан зондлаш, намуналарни геокимёвий таҳлил қилиш, геокимёвий изланиш, картографик ишлар, бурғулаш хамда камерал ишлари назарда тутилган.
Изоҳ (0)