Фарғонадан топилган динозавр қолдиқлари, Тошкентга келган Бурак Ўзчивит, Ўзбекистоннинг илк евробондлари ва куннинг бошқа муҳим хабарлари

14 февралнинг эътиборга молик янгиликлари — «Дарё» дайжестида.

Фарғона вилоятининг Риштон туманидан динозавр қолдиқлари топилгани тахмин қилинмоқда.

Риштон тумани Янгийўл қишлоғи Янгитурмуш кўчаси 2-уйда истиқомат қилувчи Тўхтасин ака ўз уйини қайта таъмирлаш ва реконструкция қилиш жараёнида уйнинг эски пол остидан ноанъанавий кўринишдаги ҳайвон қолдиқларига дуч келди.

***

«Севги изтироби» сериалидаги Камол — Бурак Ўзчивит Тошкентга келди.

У «Зўр Тв» телеканалида бир нечта кўрсатувларда иштирок этди, ўзбекистонлик санъаткорлар билан мулоқот қилди.

***

Ўзбекистон тарихда биринчи 1 млрд долларлик евробондларни жойлаштирди.

Ўзбекистон мустақил тарихида биринчи марта 5 йиллик 500 миллион долларлик евробондларни 4,75 фоиздан, 10 йиллик 500 миллион долларлик евробондларни эса 5,375 фоиздан жойлаштирди.

***

Қўқонлик йигитнинг йиртилган долларлари бутунига алмаштириб берилди.

13 февраль куни ижтимоий тармоқларда қўқонлик йигит конверт орқали ўзига келган АҚШ долларини эҳтиётсизлиги оқибатида йиртиб қўйгани акс этган расм муҳокамага айланган эди.

***

Бош прокуратура Гулнора Каримовага нисбатан ҳеч қандай босим ўтказилмаганини маълум қилди.

14 февраль куни Гулнора Каримованинг ўғли Ислом Каримов «онаси босим остида қолиб, гипертоник инқирозгача олиб борилгани, унинг ёнига шифокорлар киргизилмагани ҳақида Instagram-саҳифасида хабар ёзиб қолдирган эди.