Ўзбекистонда тиббий хизматни яхшилаш юзасидан таклифлар юбориш сўралмоқда

Адлия вазирлиги томонидан соғлиқни сақлаш тизимида фуқароларга малакали тиббий хизмат кўрсатиш билан боғлиқ қонун ҳужжатларини қўллаш амалиёти ўрганилмоқда. Бу ҳақда «Ҳуқуқий ахборот» канали маълум қилди.

Шу муносабат билан қуйидаги масалалар бўйича таклиф ва мулоҳазаларни жорий йилнинг 20 февралига қадар Telegram’даги @qonunchilikbot боти орқали юбориш сўралган:

Тез тиббий ёрдам кўрсатиш сифати;

Вакцинациялаш;

Ордер бериш;

Протез-ортопедия буюмлари, реабилитация техник воситалари ва кресло-аравачалар билан таъминлаш;

Меҳнатга лаёқатсизлик варақалари расмийлаштируви;

Койкалар фонди.

Юборилган таклифлардан соҳага оид қонунчиликни такомиллаштиришда фойдаланилади.