Ислом давлати террорчилик ташкилоти 50 дан 300 миллион долларгача молиявий захира ҳамда Ироқ ва Сурияда 14 мингдан 18 минггача бўлган жангариларга эга, дея хабар беради «РИА Новости».
БМТ Бош котибининг ўринбосари, терроризмга қарши кураш бўлими бошлиғи Владимир Воронков бу ҳақда БМТ Хавфсизлик Кенгаши олдида сўзлаган нутқида маълум қилган.
Воронков ўз маърузасида «Ислом давлати» тарафида жанг қилаётган жангарилар орасида ҳали ҳам уч мингга яқин хорижий террорчи борлигини таъкидлаган.
Унинг сўзларига кўра, ИШИДнинг охирги йўқотишлари ҳеч қандай даражада қаноатлантирилмаслиги лозим, сабаби ташкилот ҳозирги кунда махфий тармоққа айланмоқда ва унинг фаолият таҳдиди дунёнинг турли минтақаларида Яқин Шарқ, Шимолий ва Ғарбий Африка, Шарқий Африкадан Европагача, Марказий ва Жанубий Осиё ва Жануби-Шарқий Осиёда сақланиб қолмоқда.
7 февраль куни АҚШ президенти Дональд Трамп яқин келажакда ИШИД томонидан банд бўлган ҳудудларни тўлиқ озод қилиш кутилаётганини маълум қилганди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)