Тошкентдаги Hyatt Regency меҳмонхонасида маҳаллий ва хорижий бизнес-тузилмалар, журналистлар ва жамоатчилик вакиллари иштирокида янги «Business city» лойиҳаларининг тақдимоти бўлиб ўтди. Бу ҳақда шаҳар ҳокимлиги матбуот хизмати маълум қилди.
Лойиҳалар Мирзо Улуғбек ва Юнусобод туманларида амалга оширилиши кўзда тутилган.
«Mirzo Ulugbek Business city» лойиҳаси Амир Темур майдонидан Мустақиллик ва Мирзо Улуғбек кўчалари бўйлаб 6,5 километр масофада, «Yunusobod Business city» лойиҳаси Янги шаҳар ва Чинобод кўчалари кесишмасида жойлашиши қайд этилди.
Мазкур лойиҳалар доирасида замонавий меҳмонхоналар, кўп қаватли турар жой бинолари, чакана савдо дўконлари, кўп тармоқли мажмуалар, ижтимоий инфратузилма объектлари кабиларни ўз ичига олади.
«Yunusobod Business city» маркази 4 та лотдан иборат. 41 гектар майдонда қурилиши кутилаётган марказнинг биринчи лотида 9,12,15 қаватли 3 ва 4 юлдузли меҳмонхоналар бунёд этилади. Иккинчи лот ҳудудида мактаб ва боғча ҳамда 1388 ўринли автотураргоҳ барпо этиш кўзда тутилган. Майдони 1,4 гектар бўлган учинчи лотда офис ва меҳмонхоналар, 12 ва 15 қаватли бинолар қурилади. 18,2 гектарлик тўртинчи лотда эса катта боғ, кичик дўкон ва ресторанлар қуриш режалаштирилган.
Изоҳ (0)