Америкаликлар учун энг хавфли 11 мамлакат

АҚШ Давлат департаменти америкаликлар учун дунёнинг хавфли мамлакатлари рўйхатини доимо янгилаб боради, дея хабар беради «ForumDaily».

Рўйхатда давлатлар бирдан тўртгача бўлган кўламларга эга бўлиб, (1) «оддий эҳтиёткорликни», (4) «ушбу мамлакатга умуман бормасликни» англатади.

Америкаликлар учун 4 баллик хавфга эга мамлакатлар рўйхати тақдим этилган.

АфғонистонҚўшма Штатлар 2001 йилдан буён Афғонистондаги халқаро можарога аралашган. У ердаги хавфлар одам ўғирлаш, гаровга олиш, портлашлар, кенг тарқалган урушлар, ер миналари ва исёнчилар ҳужумларидан иборат. Транспорт шаҳобчалари, сайёҳлик ва жамоат жойлари, ҳукумат бинолари ҳужумчиларнинг потенциал мақсадлари ҳисобланади.

ВенесуэлаВенесуэла 2019 йилнинг 29 январь куни саёҳат қилишдан қочиш керак бўлган мамлакат рўйхатига киритилган. Бунга жиноятларнинг юқори даражаси, фуқароларнинг норозилиги, ноқонуний ҳибсга олинишлар сабаб бўлган. Мамлакатнинг қуролли кучлари ва янги, ўзини ўзи тан олган вақтинчалик етакчилар ўртасидаги қарама-қаршилик ушбу мамлакатдаги тарангликнинг кучайишига олиб келган.

Шимолий КореяАҚШ ва Шимолий Корея ўртасида 2016 йилда зиддиятлар кучайган. Ўшанда америкалик сайёҳ Пхеньяндаги меҳмонхонадан афиша ўғирлаганликда айбланиб, бир йилдан ортиқ вақт мобайнида ҳибсда сақланган ва қийноқлар оқибатида вафот этган.

СурияЯқин Шарқнинг собиқ марвариди, Дамашқнинг тарихий пойтахти, саккиз йиллик фуқаролик урушидан сўнг Қўшма Штатлар, Россия, Туркия ва Эронни ўз ичига олган кўплаб давлатлар иштирок этган фуқаролик урушидан кейин бутунлай ўзгарган. Давлат департаменти америкалик фуқароларга терроризм, фуқаролар норозилиги ва қуролли можаролар сабабли ушбу мамлакатга сафар қилмасликни маслаҳат беради.

ЭронАҚШ фуқаролари Эронга фақат виза олгандан сўнг бориш имконига эга бўлади, лекин Давлат Департаменти буни тавсия этмайди. Бу тарихни севувчилар учун жуда ёқимсиз қарор, сабаби Теҳрон ер юзидаги энг гўзал шаҳарлардан бири бўлиб қолмоқда. Бироқ, Давлат Департаменти АҚШ фуқаролари ушбу мамлакатда асоссиз ҳибсга олиниши мумкинлиги ҳақида огоҳлантирмоқда.

ИроқУшбу тарихий мамлакатга боришдан олдин икки марта ўйлаб кўринг. Ироққа сафар қилган америкалик фуқаролар учун ҳибсга олиниш, жарималарга тортилиш ва чиқариб юборилиш билан бирга ўғирланиш, жароҳатланиш ва ўлим хавфи бор.

Яман2016 йилда Қизил денгиз орқали сузиб ўтаётган АҚШ денгиз кучларини йўқ қилувчи кемага Ямандан отилган иккита ракета ҳужум қилган. Бу Қўшма Штатлар билан Яман ўртасидаги зиддиятлар кучайишига олиб келган. 2018 йилнинг июль ойида Давлат департаменти Яманни расмий равишда америкаликларга саёҳат қилиш учун исталмаган, мамлакатда фуқароларнинг тартибсизликлари ва қуролли тўқнашувлар келтириб чиқарадиган мамлакатлар рўйхатига киритган.

СомалиКанада суди 2018 йилнинг июнь ойида Сомали фуқаросини америкалик 27 ёшли мустақил журналист Аманда Линдҳаутни ўғирлаб кетгани учун 15 йилга озодликдан маҳрум қилган. Ўн бир йил ўтгач, АҚШ ҳукумати ҳали ҳам Сомалига бормасликни тавсия қилмоқда. Бу ерда одам ўғирлаш ва қароқчилик ҳали ҳам давом этмоқда.

Жанубий СуданДунёнинг энг ёш давлати, Жанубий Судан 2011 йилда Судан Республикасидан мустақилликка эришган. Human Rights Watch маълумотларига кўра, 4 миллиондан ортиқ одам мамлакатни тарк этишга мажбур бўлган, чунки 2015 йилда имзоланган тинчлик битимига қарамасдан, қуролли можарода минглаб одамлар ҳалок бўлмоқда.

Марказий Африка РеспубликасиАҚШ ҳукумати Марказий Африка Республикасида фалокатга учраган фуқароларига ёрдам беришга қодир эмас. Давлат департаменти, қуролли талон-тарож, одам ўғирлаш ва қотилликларни ушбу мамлакатга келган саёҳатчилар учун таҳдид сифатида огоҳлантиради.

МалиТимбукту шаҳрига боришни истаган америкалик сайёҳлар бир неча марта ўйлаб кўриши керак. Давлат департаменти бу шаҳарда террорчилик гуруҳлари доимо тунги клублар, меҳмонхоналар, ресторанлар, ибодат жойлари, сайёҳлик жойлари ва ғарб мамлакатларининг дипломатик ваколатхоналарига ҳужум қилишидан огоҳлантиради. АҚШ ҳукумати бутун мамлакат бўйлаб фуқароларига фавқулодда ёрдам беришга қодир эмас.

Юқоридаги хавфли 11 мамлакатдан ташқари Конго Демократик Республикаси, Мавритания, Нигер, Нигерия, Чад, Мексика, Никарагуа, Гондурас, Доминикан Республикаси, Туркия ва бошқа мамлакатларга ташриф буюрганда ҳам жуда эҳтиёткор бўлиш кераклиги маслаҳат берилган.