Ўзбекистон матбуот ва ахборот агентлигида «Миллий эстрада санъатининг аҳволи, айниқса, ёшлар маънавиятининг юксалтиришдаги ўрни ва аҳамияти» мавзусида матбуот анжумани бўлиб ўтди.
Матбуот анжуманида «Ўзбекконцерт» ДМ раҳбарияти, соҳа вакиллари, ОАВ ходимлари қатори «Дарё» мухбири Феруз Муҳаммад ҳам иштирок этди.
Матбуот анжуманида «Ўзбекконцерт» давлат муассасаси директори Одилжон Абдуқаҳҳоров жонли ижрода бўлиб ўтган давлат тадбирларида жонли куйлай олмаслигини билган айрим Ўзбекистонда хизмат кўрсатган артислар тадбирдан бош тортгани ҳақида гапириб берди.
Энг ачинарлиси ҳолат шундаки, жонли ижрода бўлиб ўтган давлат тадбирларимизга тайёргарлик жараёнларида, айрим Ўзбекистонда хизмат кўрсатган артист ёки эстрада хонандаларимиз тадбир жонли ижрода эканлигини билиб, давлат тадбирида иштирок этишдан бош тортди. Чунки улар жонли ижрода куйлай олмаслигини билди. Шунинг учун ҳам биз 100% жонли ижрога ўтишни босқичма-босқич амалга оширишни олдимизга мақсад қилиб қўйдик.Одилжон Абдуқаҳҳоров, «Ўзбекконцерт» давлат муассасаси директори
Изоҳ (0)