Президентимизнинг 2017 йил 29 декабрдаги «Сирдарё иссиқлик электр станциясида энергоблокларни босқичма-босқич модернизация қилиш чора-тадбирлари тўғрисида»ги Фармойиши ҳамда Вазирлар Маҳкамасининг бу ҳақдаги тегишли қарорига мувофиқ, 2018 – 2021 йилларда Сирдарё ИЭСи 6 та энергоблогини модернизация қилиш белгиланган. Шунга кўра, ҳозирда Сирдарё ИЭС энергоблокларини босқичма-босқич модернизация қилиш учун Россиянинг «Силовые машини» компанияси билан ҳамкорликда модернизация ишлари олиб борилмоқда.
– Энергоблокларни модернизация қилиш орқали энергоблокларнинг ишлаш даврини яна камида 20 йилга узайтирамиз, – дейди, «Ўзбекэнерго» АЖ бошқаруви раиси Улуғбек Мустафоев.
–Шунингдек, энергоблокларнинг мустаҳкамлиги таъминланиб, ҳар бир энергоблокнинг қувват олиш имкониятини 75 МВт га оширамиз ва ҳар бир киловатт ишлаб чиқарган электр энергияси учун сарфланаётган ёқилғи сарфини 35-40 грамм тежашга эришамиз.
2018-2019 йиллар биринчи босқич яъни 3,4-энергоблоклар, 2019-2020 йиллар иккинчи босқич 5,6- энергоблоклар ва 2020-2021 йиллар учинчи босқич 9,10 энергоблоклар модернизация ва реконструкция қилинади.
Бундан ташқари, модернизация ва реконструкция қилинаётган энергоблокларда нафақат иссиқлик-механик ва электр қурилмалари, шу билан бирга энергоблоклардаги технологик жараёнларни автоматик бошқарув тизими ҳам такомиллаштирилди. Энергоблокда технологик жараёнларни автоматик бошқарув тизиминиянада барқарор ишлашива ишлаш муддатини узайтириш мақсадида замонавий, юқори технологияли дастурлашган технологик комплексга ўтиш, яъни модернизация қилиш кўзда тутилган.
Мазкур дастурлашган технологик комплекс энергоблокнинг барча бошқарув тизимини автоматик равишда ўз ичига олади. Унда автоматик ва масофадан бошқарув, технолог-операторга маълумотларни бериш, аварияли ҳолатларда маълумотларни сақлаш, дискрет ва аналог маълумотларни сақлаш ва ишлаб чиқиш, технологик хабар ва маълумотларни қайд этиш, автоматик ростлаш, технологик ҳимоя ва технологик блоклаш, техник иқтисодий кўрсаткичларни ҳисоблаш ҳамда механизмларни автоматик ишлатиш каби бир қатор функциялар амалга оширилади.
Энергоблоклардаги технологик жараёнларни автоматик бошқарув тизимида бўлган ўзгаришлар ходимлар фаолияти тезкорлигини ошириб, энергоблокдаги ҳар бир жараённи тўлиқ назорат қилиш имконини беради.
Маълумот учун, мамлакамизда ишлаб чиқарилаётган электр энергиясининг қарийиб 85-90 фоизи иссиқлик электр станциялари томонидан ишлаб чиқарилади, шундан Сирдарё иссиқлик электр станциясининг улуши 30-35 фоизни ташкил қилади.
Маълумот шериклик ҳуқуқи асосида тайёрланди
Изоҳ (0)