Ўзбекистоннинг илк давлат халқаро облигацияларини чиқариш ва муваффақиятли жойлаштиришни таъминлаш 7—14 февраль кунлари Нью-Йорк, Бостон ва Лондонда инвесторлар билан учрашувлар — Road show бўлиб ўтади. Бу ҳақда Молия вазирлиги маълум қилди.
Учрашувлардан сўнг, жаҳон молия бозорларидаги шароитлардан келиб чиққан ҳолда, мамлакат облигацияларини 5 ва/ёки 10 йил муддат билан чиқарилиши режалаштирилмоқда.
Road show давомида Ўзбекистон делегацияси йирик инвесторлар билан музокаралар олиб бориши кутилмоқда. Бундай учрашувлар натижасида республиканинг жаҳон молия бозорларига илк қадами қўйилади.
Маълумот учун, Ўзбекистон жорий йилда умумий суммаси 500 миллион долларга тенг бўлган халқаро облигацияларини чиқариш ва жойлаштиришни режалаштирмоқда.
Изоҳ (0)