Apple капитализация бўйича Microsoft’ни ортда қолдирди

Apple компанияси капитализация бўйича Microsoft ва Amazon’ни ортда қолдириб, қисқа вақтга Америка биржасида энг қиммат компанияга айланди, дея хабар беради «Коммерсантъ».

Apple капитализацияси бир неча сония давомида 806,6 миллиард АҚШ долларни ташкил қилиб, Microsoft’дан 200 миллион АҚШ доллар, Amazon’дан 1,2 миллиард АҚШ долларга ошди.

Microsoft тез фурсатда энг қиммат компанияларнинг биринчи ўрнига қайтган, Apple савдо сессиясини Amazon’дан юқори иккинчи поғонада якунлаши керак эди.

2 январь куни Apple 16 йилда илк бор даромадлари тушишини прогноз қилган. Режалаштирилган 89-93 миллиард АҚШ доллар ўрнига сўнгги уч ойда компания 84 миллиард АҚШ доллар даромад олган.

Мазкур хабар Apple акцияларининг бозордаги баҳоси тушишига олиб келган.