Жиззах вилоятига Жанубий Кореянинг Dongil Construction компанияси таъсисчиси Ко Дже Ил ҳамда компания Остона шаҳри филиали директори Ким Санг Бае келди. Бу ҳақда ЎзА хабар берди.
Вилоят ҳокими Эргаш Солиев ва соҳа раҳбарлари билан бўлган учрашувда Ко Дже Ил Dongil Construction компанияси фаолияти билан таништириб, бу қурилиш бирлашмаси жамоаси томонидан Қозоғистоннинг Остона ҳамда Олмаота шаҳарларида 5 мингта янги квартира қурилгани, яқин кунларда яна 3 мингта квартира фойдаланишга топширилиши ҳақида маълумот берди.
У компания маблағлари ҳисобидан кўп қаватли уйлар комплексини қуриш, давлат инвестиция дастури доирасида бюджет маблағлари ҳисобига ижтимоий объектларини барпо этиш таклифини билдирди.
Ўз навбатида, вилоят хокимлиги томонидан кореялик инвесторларга «Замонавий ва ақлли» тижорат кўп қаватли уйлар комплексини қуриш ҳамда қиймати 10 миллиард сўмлик «Болалар қўғирчоқ театри» лойиҳасини амалга ошириш таклиф этилди.
Учрашувда томонлар Жиззах шаҳрининг бош режасини ҳамкорликда ишлаб чиқиш ва ҳудудда замонавий тижорат кўп қаватли уйлар ҳамда ижтимоий объектлар қурилиши учун ер майдонлари ажратиш бўйича амалга ошириладиган ишлар келишиб олди.
Изоҳ (0)