Ўзбекистоннинг 16 та хорижий давлатдаги элчихонаси вакиллари Наманганга келди. Бу ҳақда «Дарё»га вилоят ҳокимлиги ахборот хизмати маълум қилди.
Вилоят ҳокимлигида мамлакатнинг Сингапур, Австрия, Уммон, Покистон, Ҳиндистон, Бельгия, Миср, Озарбайжон, Россия, Италия, Буюк Британия, Кувайт, Туркия, Эрон, Франция, Бирлашган Араб Амирликларидаги элчилари, уларнинг савдо-иқтисодий масалалар бўйича маслаҳатчилари, шаҳар ва туман ҳокимлари, уларнинг тегишли ўринбосарлари, қатор корхона ва ташкилот раҳбарлари иштирокида йиғилиш бўлди.
Бош вазир ўринбосари Азиз Абдуҳакимов, Ташқи ишлар вазири ўринбосари Алишер Абдуалиев, вилоят ҳокими Хайрулло Бозоров иштирок этган йиғилишда вилоятдаги инвестицион муҳит ва имкониятлар, хорижий инвесторларни жалб этиш, экспортбоп маҳсулотлар ишлаб чиқариш кўламини кенгайтириш масалалари муҳокама қилинди.
Дипломатик миссиялар вакиллари бир неча кун давомида вилоятнинг барча шаҳар ва туманларида иш олиб боради.
Изоҳ (0)