Хитойлик йигит тўрт йил юрагидаги тиш кавлагич билан яшади

Хитойлик фуқаро юрагидан тиш кавлагични олиб ташлаш операциясини бошдан ўтказди, деб ёзади Daily Mail.

Воқеа 9 январь куни содир бўлган. Бироқ у ҳақда батафсил маълумот энди маълум бўлган. Аниқланишича, у спиртли ичимлик ичиш вақтида «ўткир нарса» ютиб юборган.

Чжоу фамилияли 29-ёшли мижоз 40 ҳарорат иситма билан касалхонага ётқизилган. Текширувлар давомида шифокорлар бемор юрагидаги ўнг ўпкасида нотабиий соя ва юрак соҳасида яллиғланишни аниқлаган.

Операция пайтида жарроҳлар юрак камерасидан бирида олти сантиметрлик тиш кавлагични топган. Тахминларга кўра, у нафас йўлларига кирган ва ўнг ўпка деворини тешиб ўтиб, юракка санчилган.

Бемор ичимликка доим тиш кавлагич солишини тан олган. У соғлиғи ёмонлашганини тўрт йил аввал сезган ва шу вақтдан бошлаб даволаш учун тахминан 22,7 минг фунт стерлинг сарфлаган. У доим ўпка яллиғланиши ва юқори ҳароратдан азият чеккан, лекин шифокорлар унга тўғри ташхис қўя олмаган.