Пискентда маст фуқаро «Жигули»ни олиб қочиб, Nexia’га бориб урилди

1 февраль куни соат 21:30 атрофида Тошкент вилоятининг Пискент тумани «Майлобод» маҳалласида яшовчи О.Ф. маст ҳолда «Ойбек» маҳалласи ҳудудида жойлашган «Анор» чойхонаси олдида қаровсиз қолдирилган, «Митан» маҳалласида яшовчи Ш.Д.га тегишли ВАЗ-2106 «Жигули» машинасини ҳайдаб қочган.

Натижада Амир Темур кўчасида ушбу автомашина бошқарувини эплай олмай, қарама-қарши йўналишга чиқиб кетган ва фуқаро М.А. бошқарувидаги Nexia билан тўқнашув содир этган.

«Кўрилган чоралар натижасида О.Ф. қўлга олинди. Ҳолат юзасидан жиноят иши қўзғатилиб, тергов ҳаракатлари олиб борилмоқда», — дейилади ИИВ Жамоатчилик ва оммавий ахборот воситалари билан алоқалар бошқармаси ахборотида.