29 январь куни Миробод тумани ИИБга 39 ёшли фуқаро Умид.Г мурожаат қилди, деб хабар берди Тошкент шаҳар ИИББ матбуот хизмати.
Фуқаро ўз мурожаатида 13 ёшли қизи Ойқизнинг мактабга кетиб, уйга қайтиб келмаганини маълум қилди.
Ўша куни соат 15:00 да қизнинг онасининг телефонига қуйидаги мазмундаги SMS-хабар келди:
«Агар қизингни кўришни истасанг, мен сенга айтадиган суммани олиб келасан, йўқса уни қайтиб кўрмайсан».
Олиб борилган тезкор-қидирув тадбирлари давомида вояга етмаган қизнинг қаерда эканлиги аниқланди. Ойқиз «Чилонзор» метро бекати яқинидан топилди. Маълум бўлишича, Ойқизни ҳеч ким ўғирламаган, қизнинг ўзи «ўғирланиш» режасини тузган ва амалга оширган.
Ойқиз шу йўл билан ота-онасининг эътиборини тортмоқчи бўлганини маълум қилган. Қизнинг айтишича, ота-онасидан ундирмоқчи бўлган пулларни муҳтожларга беришни режалаштирган.
Ҳозирги пайтда қизча ва унинг ота-онаси билан профилактик суҳбатлар ўтказилмоқда.
Изоҳ (0)